Su lis mensis scolastichis al veve reson il Comun di Udin

Il Consei di Stât al à metût la peraule fin ae lungje polemiche su lis mensis scolastichis. Il câs, che al veve fat tant discuti, al jere stât al centri, l’Istât passât, di une investigazion dai Carabinîrs dal Nas che a vevin cjatât iregolaritâts intai servizis ufierts in diviers istitûts furlans, e ancje di chei dal Comun di Udin . Ae lûs dai risultâts de inchieste vierte de Procure di Udin, Palaç D’Aronco al veve sierât il contrat cu la aziende al centri des investigazions, la Ep, rimetintlu a Camst. La dite escludude e veve duncje fat ricors al Tar che al à dât reson al Comun di Udin, sentence confermade cumò dal Consei di Stât. (A.D.G.) – 03.08.2022