La gnot passade un om di 27 agns si è sintût mâl dilunc di une strade di Udin Est e il so malstâ al jere leât al fat di vê doprât droghis. Il personâl sanitari che al jere rivât sul puest par judâ il zovin dopo ve cjatât cuasi cence sintiment al veve visât dal fat i carabinîrs dal Nucli Radiomobile de Compagnie di Udin.
Rivâts sul puest i militârs a àn identificât la femine di 24 agns che e veve clamât il 112. Pôc lontan e jere parcade la sô auto e i carabinîrsîrs a àn fat une percuisizion che di chê a son saltâts fûr cierts grams di hashish, plui une vore di anfetamine e efedrine, dute droghe pronte par jessi vendude dentri di piçui pacuts di cjarte. La femine che e je a vivi fûr de provincie di Udin e je stade denunziade ae autoritât judiziarie par detenzion di droghis cun chê di spaçâle. (a.d.g.) – 17.03.2026
