Rimorchi plen di ue ribaltât su la strade tra S. Vît dal Tiliment e Vilote

Vendeme partide cul pît sbaliât par une aziende vitivinicule dal Friûl ocidentâl. Une pesante cjame di raps di ue, apene cjapade sù, e je finide sul asfalt de ex Provinciâl 1 tra S. Vît dal Tiliment e Vilote.

Il tratôr che al traspuartave la preziose cjame intal rimorchi si è ribaltât lunc la trate par causis in cors di aciertament. Il disledrosament al è sucedût îr di matine aes 11 e al à domandât l’intervent des Vuardiis dal fûc dal distacament di S. Vît, rivadis sul puest cul autogru dal comant di Pordenon. Salf il vuidadôr dal mieç agricul. Sul puest, ancje la Polizie locâl. L’intervent al è finît tor lis 4 dopomisdì. (a.d.g.) – 07.09.23