243
I carabinîrs de stazion di Glemone, tor des 4.45 dal dopomisdì di vuê, vinars ai 24 di Lui, a àn tacât lis ricercjis di un vieli di 72 agns, resident a Lusevare, che nol è tornât a cjase. Al è stât domandât il jutori ancje dai Vigjii dal fûc tant che a son in vore dôs scuadris e il mieç Ucl (Unitât comant locâl), di indulà che a son coordenadis lis operazions.
A supuart a son rivâts ancje i pompîrs che a pilotin i drons, il Nucli cui cjans d direzion Interregjonâl Venit – Trentin Sud Tirôl e l’elicotar Drago dal repart di svol dal Comant dai Vigjii dal fûc di Vignesie. Intes operazions a son impegnâts ancje i volontaris de Protezion civîl dal teritori. (a.d.g.) – 24.07.2026
