42
Il sindic di Udin, Alberto Felice De Toni, al à decidût di no confermâ ae vuide de Polizie locâl de citât Paolo Carestiato, che al jere rivât ai 10 di Otubar dal an passât e al à finît il periodi di prove.
Carestiato al jere stât comandant de Polizie locâl di San Donà di Piave e al veve cjapât il puest di Eros Del Longo, daspò vê superadis lis selezions fatis inte Vierte dal 2025, in graciis des sôs competencis tecnichis e dirigjenziâls. L’incaric tant che comandant al varès vût di durâ trê agns. (a.d.g.) – 25.02.2026
