51
Un om che al stave pescjant sul Lusinç, pôc dopo des 8 di sere tra Gardiscje e Sagrât ae altece de frazion di Sdraussine, al è restât blocât suntune piçule isule par vie de cressite svelte de aghe e al è stât salvât dai Vigjii dal Fûc pôc prime di jessi puartât vie de corint.
La aghe e je lade su’ une vore di corse dopo che in Slovenie e jere stade vierte la dighe di Salcan e al om nol è restât altri di fâ che clamâ cul so telefonin i socors.
La Sores e à mandât sul puest un elicotar e cun di plui a son rivâts di Gardiscje ancje i carabinîrs, la auto mediche e la Crôs Verde di Gurize. I pompîrs a son rivâts a puartâ in salvament il pescjadôr prime che al fos masse tart. (a.d.g.) – 01.04.2025
