A saran passe 40 i testemonis ametûts tal procès pal omicidi colpôs di Bianca Doros, Patrizia Cormos e Cristian Molnar, i trê fantats rumens puartâts vie e copâts de aghe dal Nadison ai 31 di Mai dal 2024.
Tal procès a son imputâts trê vigjii dal fûc e un infermîr de Sores. Inte udience di vuê di matine, il judiç Daniele Faleschini Barnaba al à metût un limit al numar di testemonis indicâts sedi de Procure de Republiche, sedi dai avocats che a difindin i cuatri imputâts, ancje parcè che tal principi lis parts a vevin domandât di sintî 80 personis in dut. La part civîl e il public ministeri a podaran clamâ 20 testemonis, i avocâts des difesis no plui di dîs ognidun.
La prossime udience e sarà ai 4 di Jugn e in chê volte la istrutorie e jentrarà tal vîf cu la scolte dai testemonis de acuse. (a.d.g.) – 24.03.2026
