Omicidi dal om cence cjase: il cercli si strenç

A van indenant a Udin lis investigazions dopo il fat di sanc de gnot tra vinars e sabide: l’omicidi dal cence cjase Luca Tisi, 58 agns, cjatât inte galarie dai condomins Alle Alpi di via Volontari. La Cuesture e je a cjace dal autôr o dai autôrs dal delit e lis ricercjis a son in cors par cjatâ la arme, cun ogni probabilitât un curtìs, ancje se lis investigazions a van indevant a 360 grâts. Dopo vê viodût i filmâts des telecjamaris di videocontrol, la Polizie e à fat ancje ricercjis inte roie di via Volontari, dulà che a saressin stâts cjatâts un pâr di reperts interessants: ancje un cric. Dutis lis pistis, dut câs, a restin viertis. (A.I.) – 17.04.2023