Om cuntun atac cardiac salvât a Grau

da Alessandro Di Giusto

Pôc prime des dôs dal dopomisdì di vuê un om al è stât socorût dal personâl sanitari e dai Vigjii dal fûc dopo che si jere sintût mal dongje de isule di Porto Buso tal teritori di Grau.

Cjapade la clamade che e domandave jutori, i Vigjii dal fûc dal distacament regjonâl stagjonâl di Grau a son lâts daurman cu lis lôr barcjis, indulà che a jerin montâts ancje i infermîrs cui lôr imprescj, bande de isule indulà che si cjatave une persone cjapade forsit di un atac di cûr.

L’om al è stât curat daurman e metût suntune barele par jessi puartat fintremai dal puest indulà che si cjatave l’elisocors regjonâl che lu à puartat tal ospedâl. (a.d.g.) – 26.08.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui