45
Motostaffetta friulana in corot pe muart improvise di Fabrizio Buiatti, 66 agns di Pavie, soci de associazion dal 2018 e un dai ponts di riferiment pal sodalizi che al à la sô sede a Rivis Darcjan.
Buiatti, carabinîr in pension, al veve a pene finît il so servizi di scorte tecniche inte gare di ciclisim “Granfondo dei Templari” a Pordenon e si jere fermât cui coleghis intun puest di ristorazion. Propit in chel puest si è sintût mâl. A son stâts clamâts daurman i socors e l’om al è stât puartât intal ospedâl di Pordenon, ma magari cussì no ducj i tentatîfs di salvâlu dal personâl sanitari no son lâts a bon fin. (a.d.g.) – 30.06.2025
