42
No le à fate la piçule Desiree di cuatri agns, la sûr di Noemi Schiavo che e jere muarte domenie passade par vie di un teribil incident dilunc de Pontebane, tal comun di Basilian.
Tal dopomisdì di îr la comission mediche dal ospedâl di Udin indulà che e jere ricoverade in terapie intensive in cundizions une vore grivis, e à declarât la muart cerebrâl de picinine.
Il gnûf e teribil corot che al à batût i gjenitôrs al è rivât passâts cinc dîs de muart de lôr prime fie, cuant che il pari al veve pierdût il control de sô auto e al jere lât a sbati cuintri di un platin. Lis dôs frutis a stavin durmint su la sente daûr, peadis cu lis cinturis di sigurece, ma chest nol è stât avonde par salvâlis. (a.d.g.) -29.08.2026
