Cualchidun al à impiât un fûc pôc dopo de mieze gnot di îr a robe butade in bande intes cantinis dal condomini Ater in vie Divisione Garibaldi 2 a Udin.
Si tratave di robe bandonade di timp come che materàs, divans e altris ogjets che a varessin vût di jessi puartats vie e che invezit a àn cjapât fûc par man di no cognossûts. A saran i Vigjii dal fûc a scuvierzi lis causis das flamis.
La palacine de Ater e à 44 apartaments su sîs plans no je stade metude sot secuestri, ma il fum gjenerât dal fûc al è rivât lis stanziis ai plans plui tal bas, tant che cinc personis a son restadis intosseadis, che tra chês une frutine di 5 agns, une fantate di 15 e altris trê adults.
Trente lis personis fatis jessi fûr par precauzion dai pompîrs rivâts dal Comant di Udin e di Cividât. Lis operazions di distudament e di bonifiche a son finidis tor des cuatri di buinore. (a.d.g.) – 05.08.2025
