Fûc intun condomini a Udin

Tante pôre vuê di buinore a Udin, tal cuartîr Villaggio del Sole daspò di un fûc che si è impiât inte cantine di une palacine de Ater.

Pôc dopo des 8.30 lis flamis a àn tacât a brusâ dal materiâl plastic e il fum in pôc timp al è rivât in chei altris cinc plans dal palaç in vie Val Saisera, che al à 16 apartaments.

Cetancj residents a son restâts blocâts dentri cjase, ma un dopo di che altri i pompîrs, i agjents de Polizie e i carabinîrs a àn rivât a puartâju fûr ducj in graciis di un straordenari lavôr di scuadre.

Lis causis dal fûc a son ancjemò di sclarî. (a.d.g.) – 15.04.2024