A vadin indenant lis ricercjis di un escursionist todesc di 63 agns su la mont parsore Barcis, sparît di lunis ai 25 di mai. Lis ricercjis a son tacadis inte sere di îr, tor des nûf, daspò de domande di jutori fate de compagne di escursion che cun je l’om al stave fasint une lungje cjaminade dilunc de mont dal Friûl Ocidentâl.
I doi a vevin durmît, vinars ai 23 di Mai, tal Bivac Val di Zea, ma domenie di buinore si jerin separâts: la femine e veve decidût di tornâ jù bande de val e fermâsi a Villa Emma a Prescudin, indulà che i doi si jerin dâts apontament par tornâ in Gjermanie lunis. L’om però no si è mai presentât.
La Sores e à ativat daurman la stazion di Manià dal Socors alpin, l’elisocors regjonâl e i Vigjii dal fûc. Vie pe gnot a son stâts controlâts cul elicotar I puescj e I socoridôrs a son rivâts fintremai li dal bivac, cence cjatâ nissun. Lis operazions a vadin cumò indenant dilunc dai trois de zone. (a.d.g.) – 26.05.2026
