Dôs personis intosseadis par cause dal fûc dal cuviert vuê a Trep di Cjargne

Vuê di matine a Trep di Cjargne dôs personis a son restadis intosseadis par vie dal fûc che si jere impiât sul cuviert de lôr cjase a Zenodis. L’imobil in vie Giovanni XXIII al è stât declarât inagjibil, intant che la cjase dongje e à patît consecuencis mancul griviis.

Sul puest a son rivâts i Vigjii dal Fûc cun scuadris di Tumieç, Glemone, Çurçuvint, Paulâr e Udin. Presints sul puest ancje i carabinîrs di Paulâr e personâl sanitari. Su lis causis dal fûc i esperts a stan investigant. (a.d.g.) – 06.02.2025