Il Public ministeri al à domandât, te udience denant dal judiç pe udience preliminâr Carlotta Silva, sul câs de compravendite dal zuiadôr Rolando Mandragora, doi agns di reclusion par Franco Soldati e Stefano Campoccia, tal ordin president e vice president de Udinese Calcio. Cun di plui pe societât e je stade domandade une sanzion di mieç milion di euros.
Lis acusis a son chês di fals tes comunicazions sociâl, declarazion fraudolente e evasion de Ires.
Su la fonde des imputazions, tal 2018 la Juventus e veve vendût il zuiadôr ae Udinese cu la opzion par tornâ a comprâlu par 20 milions di euros. Te realtât, i acuardis tra lis dôs societâts a previodevin l’oblic irevocabil di tornâ a comprâ de bande dal club di Turin. Mandragora al jere tornât indaûr te Juventus doi agns dopo par jessi daspò vendût ae Fiorentina tal 2022 par vot milions di euros.
La operazion e varès gjenerât pe Udinese une plusvalence di passe 3 milions di euros e permetût une evasion di passe 400 mil euros di Ires. (a.d.g.) – 30.06.2026
