Al è stât cjatât muart par vie di un mâl, tor des 10 di sere, Adriano Rossi, resident in provincie di Gurize, che îr di matine al jere partît par lâ a fâ une cjaminade in Cjargne.
L’alarme lu à dât la femine sot sere cuant che no lu à viodût tornâ indaûr dopo che i veve fevelât al telefon tor misdì. Rossi al veve visât indulà che al lave e al veve mandât une foto di Forcje Cormaline, pôc sot Casere Val, a 1.780 metris di cuote.
La Sores e à ativât la stazion di For Davôtri dal Socors alpin, la Vuardie di finance e i Vigjii dal fûc, di la dal elisocors regjonâl. Daspò che la auto dal om e jere stade viodude a Siele Cjalçutan, l’elicotar al à puartât une scuadre di socoridôrs li de casere e propit pôc lontan al è stât cjatât il cuarp dal puar om. (a.d.g.) – 05.11.2025
