3/05/2022 – E je simpri plui grivie pes cjasis di ripôs de nestre regjon. Sbalotatis tra l’aument dai coscj de energjie e la diminuzion dai ospis par vie de pandemie, une vore di struturis e à a ce fâ cuntun pesant indebitament. Tal câs par esempli dal Centro anziani di Majan, dome tal 2021, le buse e je statde di passe 200 mil euros e le sindiche Elisa De Sabbata cumò e spere che e rivin i bêçs i Rome par meti un sblec ai conts.
No va miôr nancje a Cividâl, indulà che la struture e à pierdût passe 50 ospits intal piês moment, a Dicembar dal 2021, cuant che il virus al è jentrât te struture. Cumò, nus à spiegât la presidente Piera beuzer, planc planc e stan rivant a recuperâ, ancje se dai 230 vecjos ospitats prime dal 2020 vuê o sin rivâts a cirche 200, ma a un ciert pont a jerin sbassâts a 150. ADG
