Glemone e à volût ringraciâ i pompîrs pal jutori grant vût de so int ai timps dal taramot. Vuê di matine, dilunc de cerimonie che e je stade fate te sale consiliâr dal Comun, il sindic Roberto Revelant al à dât la citadinance onorarie al Cuarp nazionâl dai Vigjii dal fûc: “O vês dât sperance ai vîfs e dignitât ai muarts – al à visât Revelant – intun moment segnât de memorie e de ricognossince di dute la citât. Presint al conferiment de citadinance onorarie il cjâf dal Cuarp nazionâl, Eros Mannino, che al à visât che propit in chê emergjence e sedi nassude une gnove culture dal socors.
Presints ancje rapresentants de Regjon Friûl Vignesie Julie, e tra che l’assessôr al belanç Barbara Zilli, che e je propit di Glemone e che e à ricuardât cun emozion ce che al è sucedût in chei dîs e cetant che i pompîrs a son stâts dongje ae int. (a.d.g.) – 06.06.2026
