139
Par vie dal brut timp che, des 6 e mieze sot sere di vuê, al sta batint il teritori a son passe cent lis domandis di socors rivadis te sale operative dal Comant di Udin dai Vigjii dal fûc.
La zone plui tamesade e je chê di Udin, indulà che lis clamadis a son rivadis par vie di ramaçs e arbui colâts e ancje par cierts inagaments.
Par cirî di intervignî il prime pussibil aes domandis che a stan rivant al è stât anticipât il scomençament dal turni di gnot aes 7 sot sere, intant che i pompîrs che a vevin di lâ a cjase aes 8 sot sere a restaran in servizi.
Sot pression ancje il personâl dal Comant di Pordenon impegnât tai intervents leâts al brut timp, pe plui part arbui colâts o malsigûrs. (a.d.g.) – 10.06.2026
