Un om, pôc prime de une domomisdì, al à pierdût il control dal so auto e al è lât ju intune scarpade in vie Capitano Musso a Riul, intal Comun di Paulâr.
La veture e je precipitade par plui o mancul dîs metris intal sdrup, fermantsi disledrosade. Il conducent al è restât incjastrât dentri dal abitacul. Imediade la clamade al Nue 112: i operadôrs de centrâl Sores a àn inviât sul puest l’ecuipaç di une ambulance di Paluce, l’elisocors, i pompîrs dal Distacament di Tumieç e di Paulâr e i Carabinîrs de Compagnie di Tumieç.
Il personâl sanitari e i pompîrs a àn diliberât l’om dal abitacul. Chescj ultins a àn proviodût a stabilizâ la veture e, doprant pinzis e cisoriis idraulichis, a àn viert un varc intal abitacul.
Imediât il traspuart in elicotar al ospedâl Santa Maria della Misericordia di Udin. L’om al à ripuartât diviersis lesions, ma par fortune nol è in pericul di vite. (ADG) – 25.11.2022
