Apel di Legambiente par sparagnâ aghe

Ognidun che al fasi  il so just par no straçâ aghe. Al è l’apel di Legambiente Fvg ai citadins: “O solecitìn ducj a une assunzion gjenerâl di responsabilitât, adotant daurman, ancje in assence di proviodiments publics, misuris personâls di riduzion dai consums di aghe. Ve, duncje, un decalic cun azions semplicis che a puedin contribuî al sparagn dal aur blu: no vierzi ad implen la spine cuant che si lavisi; doprâ la doce e no la vascje; sierâ la aghe intant che si lavisi i dincj; recuperâ la aghe di cuete par lavâ i plats; no lavâ l’auto; no bagnâ il zardin, se no cu la aghe ploiane recuperade: adotâ simpri sistemis di recupar de ploie; montâ spinis a flus limitât; doprâ laveblancjarie e lavemassarie dome a plene cjame e tornâ a doprâ la aghe dal condizionadôr e dal deumidificadôr par bagnâ lis rosis”. (A.D.G.) – 02.08.2022