Ancjemò un fûc sul Cjars, alerte simpri plui alte

Pôc dopo des 10.45 di vuê di matine, i Vigjii dal fûc a àn scugnût intervignî par studâ il fûc che si jere impat dilunc de strade statâl 14 tal toc tra Monfalcon e S. Zuan di Duìn.

Il fat che al è stât dât daurman l’alarme e che sul puest a son rivâts intun lamp trê scuadris dai pompîrs di Gurize e Triest , al à permetût di studâ di corse il fûc prime che lis flamis a rivassin fintremai li de ferade e de autostrade A4.

Dute la aree cjapade dal fûc e je stade daspò bonificade e controlade par evitâ che al torni a impiâsi il fûc.

Lis cundizions di cjalt fuart e di sec a stan fasint lâ su il risi e al è impuartant dâ daurman l’alarme a pene che si viôt fum. (a.d.g.) – 04.08.2026