71
La Cort di Assise di Udin e varà di esprimisi, ai 30 di Zenâr dal prossim an su la muart di Laura Pin, la femine di 74 agns cjatade muarte ai 27 di Jugn dal 2023, tal liet dentri cjase a Vile di Flum, indulà che e jere costrete a vivi di timp par vie des sôs patologjiis.
Pe Procure di Pordenon il responsabil pe muart de puare femine al è il so om Severino Sist di 78 agns, inviâ a judizi cu la ipotesi di omicidi ingriviât de parintât e pal fat che al è stât fat cuintri cui che nol podeve difindisi.
Par di plui e je contestade la recidive parcè intal 2019 il vieli al veve patizât 14 mês par maltrataments in famee. La autopsie fate sul cuarp de vitime e veve cjatât tantis pachis al cjâf. (a.d.g.) – 17.12.2025
