A fûc une cjase a Porpêt

Moments di pôre lunis sore sere, aes 8.30, pal fûc intune abitazion a Porpêt. Dôs personis a son stadis intosseadis in maniere lizere dal fum e il prin plan dal edifici si è sdrumât dal dut. Inte cjase in vie Verdi a son intervignûts i pompîrs dal distacament di Çarvignan che, prime di domeâ lis flamis, a àn fat puartâ fûr om e femine, di 58 agns. Restâts intosseâts in maniere lizere, i parons di cjase a son stâts puartâts par aciertaments tal ospedâl. Sul puest i carabinîrs dal Nucleo radiomobile di Palme. Lis causis dal fûc a son acidentâls. (A.D.G.) – 12.07.2022