Vin e culture a Sante Marie la Lungje

Musiche, contis, cercis e incuintris di autôr. Dai 9 di Otubar, a Sante Marie la Lungje si fasarà “Calici di cultura” (Cjaliçs di culture”), un viaç tai libris e i savôrs, une rassegne che e met dongje il plasê dal vin e la scuvierte de storie, de leterature e des tradizions. Cuatri i apontaments, ducj a ingrès libar cence sore nuie, par cure de associazion culturâl Bottega Errante. Si tache a Vile Mauroner a Tissan, joibe ai 9 cul conciert di Gabriele D’Alonzo e di Clara Di Giusto (piano, eletroniche e violoncel). Stes lûc ai 23 di Otubar cul espert Mirco Masetti de aziende Alturis di Cividât, par un viaç jenfri teorie e pratiche tal mont dal vin. Ai 30 di Otubar, Avguštin Devetak e Enrico Maria Milič a fevelin de locande de famee Devetak sul ôr de Europe. Si siere ai 13 di Novembar cuntune lezion di Angelo Floramo ator de storie dal vin, de Ete di Mieç in chi. (A.I.) – 08.10.2025