50
La Universitât dal Friûl e va pal cuart an consecutîf sul podi e e cjape il tierç puest inte classifiche fate dal Censis pai 17 ateneus statâi di dimensions mediis, ven a stâi dai 10 mil ai 20 mil students.
Dome par un decim di pont no je rivade al secont puest e si cjate a pâr cu la Universitât di Trent, dutis i dôs al prin puest tal Trivenit.
“O sin une vore sodisfats pe conferme di chest puest sul podi, in graciis – al à visât il retôr Angelo Montanari – dal impegn dedicât di dute la comunitât universitarie in chescj agns. O larin indenant e o rinfuarcirin il lavôr inviât par dâ ai nestris students une cualitât alte dai nestris cors di studi”. (a.d.g.) – 17.07.2026
