E je stade fate vuê di matine a Palme, te sede de Protezion civîl regjonâl, la cerimonie di titulazion de sale otagonâl indulà che al ven fat il coordenament, ae memorie di Giuseppe Zamberletti: “A 50 agns dal taramot dal 1976 o visin – al à dit l’assessôr regjonâl ae protezion civîl Riccardo Riccardi – l’om che di ducj al è cognossût tant che il pari de Protezion civîl taliane e de ricostruzion dal Friûl. Titulâ a lui cheste sale, un lûc indulà che tal timp a son stadis cjapadis decisions impuartants par frontâ emergjencis e dificoltâts dal teritori, al è un at dovût. A son storiis che a àn une fuarce straordenarie – al dit ancjemò Riccardi – e a son oms come Zamberletti che no muerin mai”.
Presints ae cerimonie ancje il cjâf de Protezion civîl taliane Fabio Ciciliano, i sindics di Palme e Glemone – Giuseppe Tellini e Roberto Revelant – e i students dal liceu linguistic Luigi Einaudi di Palme. (a.d.g.) -13.10.2026
