Storiis di feminis famosis a Palme

E torne a Palme la rassegne “DonnAEdintorni”, un contignidôr culturâl dedicât a temis dongje dal mont feminin, ma vierts a dutis lis sensibilitâts. Trê i apontaments par aprofondî i aspiets dal univiers feminin, contant vitis veris traviers spetacui dedicâts a trê figuris femininis impuartantis: Adelaide Ristori, Tina Anselmi e Frida Kahlo. Vinars ai 3 si tache in Polvariere cu la conference spetacul “Adelaide Ristori Marchese Capranica del Grillo”, intal bicentenari de nassite de grande atore.  Miercus ai 8 di Març, al Teatri Modena di Palme, e va in sene “La Scelta” gjavât di “La giovane Tina Anselmi” e vinars ai 10 Nicoletta Oscuro e presente il libri “Frida Kahlo, amore e dolore” di Alberto Prelli. (A.I.) – 02.03.2023