Spetacui di cualitât par ducj a Feagne

Al tache il prin fin de setemane di apontaments de rassegne “Vittoria Estate – La musica che rinfresca”, inmaneade de associazion Rime Mute in colaborazion cul Comun di Feagne, che pal mês di Jugn e propon cualchi spetacul di cualitât a presit nas tal Teatri “Vittoria” e in place Marconi . Il program al met dongje musiche classiche, jazz, teatri musicâl, opere e balet, intune atmosfere informâl che e etire dentri ducj. Si tache vinars ai 12 di sere su la terace dal Teatri cul cuartet di fagots BachRock, un progjet artistic che si concentre suntun strument di râr protagionist sul palc: propit il fagot. Sabide ai 13, di gnûf tal Teatroi “Vittoria”, al sarà proponût un dai events plui insolits de rassegne, cun Antonio Casanova – une figure une vore preseade de television taliane e un ilusionist storic – e il so spetacul “Incantesimi. La musica non è mai stata così magica”. Il prin fin de setemane si siere domenie ai 14 cuntun tribût al univiers teatrâl di Gioachino Rossini de bande Roma Tre Orchestra. (A.I.) – 11.06.2026