L’Ufici comun pai Servizis a citadins e associazions dai Comuns di Tumieç, Damâr, Cjavaç e Verzegnis al à publicât i bants pe erogazion di contribûts pal abatiment dai canui di fit dai imobii destinâts a ûs abitatîf. Furnî un supuart economic aes fameis che si cjatin in dificoltât intal sostignî il paiament dal fit al è l’obietîf dal bant.
Par otignî il benefici a coventin ciertis carateristichis subietivis – di possedi ae date di presentazion de domande – e di redit. La domande di contribût e va presentade di cui che al fâs domande al Comun di residence di cumò ancje par canui paiâts relatîfs a contrats di fit di lozaments logâts in altris Comuns de Regjon. Par informazions su la compilazion de domande o par domandâ un eventuâl apontament si pues clamâ l’Ufici Assistence inviant un messaç di pueste eletroniche a locazioni@comune.tolmezzo.ud.it o telefonant al numar 0433-487968 des 8.30 de matine a misdì e mieç, dal lunis al vinars. (A.D.G.) – 19.04.2023
