98
Presentât vuê a Udin, te sede de Regjon Friûl-Vignesie Julie, il program de cuarte conference regjonâl su la lenghe furlane. L’apontament al è pai 9 di Jugn a tacâ des 14.30 tal Auditorium de Culture furlane di Gurize.
A jerin presints il president dal Consei regjonâl, Mauro Bordin, che al à visât che: “Se o volin tutelâ pardabon la nestre autonomie, o vin di partî de lenghe furlane: e je il cûr identitari dal Friûl”, Eros Cisilino e William Cisilino, tal ordin president e diretôr de Arlef. (a.d.g.) – 26.05.2025
