Osôf, doi dîs di musiche e solidarietât

Il “Concerto per un Fiore” al torne a Osôf vinars ai 17 e sabide ai 18 pe sô vincjesime seste edizion, come simpri tal Parc de Colonie. Dôs seradis di musiche, bon mangjâ e solidarietât organizadis de Associazion “Friûl Adventures – Fiore” in memorie dal lôr amì Fiorenzo “Fiore”, che al è muart tal 1998 intun incident leât al lavôr. Par doi dîs e sarà presentade musiche dal vîf, cu la partecipazion di diviersis associazions locâls di volontariât sociâl. Ducj i vuadagns des dôs seradis a saran dâts a doi progjets di beneficence in Myanmar e in Burkina Faso. (A.I.) – 16.07.2026