Inviade dal Comun di Glemone fintremai dal Avrîl dal 2026 la sperimentazion dal assistent vocâl virtuâl fat de inteligjence artificiâl, bon di rispuindi ai citadins dant informazions, datis e scjadincis par dut il dì e dilunc dute la setemane.
Il gnûf sisteme al è bon di dâ informazions su cetancj servizis comunâi, al pues displeâ cemût rinovâ o cambiâ la cjarte di identitât eletroniche, dâ informazions su lis scjadincis dai paiaments e sui tribûts comunâi, vuidâ i citadins intal compilâ i modui che a coventin e altris robis ancjemò. Cussì lis domandis plui comuns a cjatin une rispueste plui di corse e a liberin personâl par ativitâts plui dificilis.
Il progjet al è finanziât dal Program european EDIH-PAI (Public Administration Intelligence), inte suaze dal Pnrr – Missione 4 “Istruzione e ricerca” e par chest nol coste nuie pal Comun dilunc dute la sperimentazion. La cjâf file dal progjet e je Insiel che e à curât il disvilup de infrastruture adun cun Customer Analytics Italia. (a.d.g.) – 17.12.2025
