Fûc intun apartament di un imobil Ater a Reane dal Roiâl

da Alessandro Di Giusto

Pôc dopo de une di gnot di vuê al è sclopât un fûc dentri di un apartament intune palacine Ater di Reane dal Roiâl. Il fat che i Vigjii dal fûc a sedin rivâts intun lamp cuntune scuadre, plui une autoscjale, al à limitat i dams che a varessin podût jessi cetancj plui grivisi cun consecuencis dramatichis.

Intal imobil di trê plans une scuadre di pompîrs e à tacat daurman lis operazions par studâ lis flamis intant che chei altris coleghis a fasevin jessi fûr la int che e jere a stâ in chei altris apartaments.

L’om che si cjatave dentri dal apartament lât a fûc e fiscât al è stât puartât fûr cence problemis par jessi dât in man al personâl sanitari tant che altris dôs personis, par fa i controi.

Sul puest a son rivâts ancje i carabinîrs. (a.d.g.) – 17.11.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui