Giovanni Sollima al torne pe stagjon sinfoniche

da Andrea Ioime

Il compositôr talian plui interpretât tal mont al torne pe seconde stagjon di “Io Sono Sinfonica”, Jo o soi Sinfoniche. Miercus ai 18, tal teatri “Maurensig” di Felet, Giovanni Sollima al cjatarà ancjemò une volte la FVG Orchestra: il violoncelist e compositôr al sarà solist e diretôr tal tierç conciert de stagjon, ” Sollima & FVG Orchestra”, inmaneât de Fondazion “Luigi Bon” di Culugne. Sollima, che l’an passât al veve screât la prime stagjon di “Io Sono Sinfonica” cun Mario Brunello, al à colaborât cun Riccardo Muti, Yo-Yo Ma, Patti Smith, Stefano Bollani e Paolo Fresu, ma ancje cun grandis orchestris, par esempli la Sinfoniche di Chicago e il Royal Concertgebouw. Sollima al à scrit musiche par cine e teatri e tal 2012, adun cun Enrico Melozzi, al à fondât i 100 Cellos. (A.I.) – 17.11.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui