Il miracul de Colete alimentâr si è ripetût in Friûl

da Alessandro Di Giusto

A son stadis cuasi 260 lis toneladis di aliments che a son stadis donadis inte nestre regjon dilunc de trentesime Zornade taliane de Colete alimentâr. Plui de metât e je stade cjapade su te provincie di Udin che e à regalat 137 toneladis. A vegnin daûr Pordenon cun 71 toneladis, Triest cun 27 toneladis e Gurize cun 24.

 A nivel talian a son stâts cjapats sù passe 8.700 toneladis, plui o mancul 100 in plui a pet dal an passat, che a che a vadin zontâts ancje i aliments regalâts cu la spese fate su Internet. Tai supermarcjâts a sin son dâts di fâ passe 160 mîl volontaris.

Ducj chescj aliments a saran distribuîts tai prossims mês midiant des 7.500 associazions che a son convenzionadis cul Banc Alimentâr e, tra chês, cjasis famee e mensis. Cheste rêt solidarie e jude intal nestri Paîs passe 1,7 milions di personis in dificoltât. (a.d.g.) – 16.11.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui