Pordenonelegge: a Praghe l’event finâl

da Andrea Ioime

“Pordenonelegge” al svole a Praghe par segnâ la conclusion de sô vincjesime setime edizion cul event anuâl comun tal Istitût Culturâl Talian te capitâl ceche, puartant il spirt de Fieste dai Libris e de Libertât tal cûr de Europe Centrâl. L’event si davuelzarà miercus ai 21 aes 6 e mieze di dopomisdì te sale capitolâr dal Istitût, in ocasion de Setemane de lenghe taliane tal mont. Al centri dal event – un “fîl comun” naratîf che al lee la conession culturâl e chê leterarie jenfri Pordenonelegge e Praghe – e sarà la presentazion de traduzion ceche dal romanç di Giulio Mozzi “Le Ripetizioni”, lis ripetizions, publicât in Italie di Marsilio, finalist dal Premi Strega tal 2021. L’event al sarà presentât di Gian Mario Villalta, poete e diretôr artistic di pordenonelegge, e Marialuisa Pappalardo, diretore dal Istitût Culturâl Talian di Praghe. Al sarà presint ancje l’ambassadôr talian a Praghe, che za martars ai 20 al cjatarà la delegazion de Fondazion Pordenonelegge, vuidade dal president Michelangelo Agrusti, cu la diretore Michela Zin e Villalta, te residence uficiâl di Mala Strana. (A.I.) – 19.10.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui