Zornade dificil vuê su lis stradis di Udin cun doi bruts incidents. Il prin vuê di matine tor 10, te crosere tra viâl Palmanova e vie Verona, indulà che un scooter e une auto si son dâts cuintri.
Sul puest a son rivâts personâl sanitari, pompîrs e Polizie di Stât. Il vuidadôr de moto al è stât puartât tal ospedâl. Fuarts ralentaments dal trafic par permeti i socors e i rilêfs.
Tal dopomisdì tor des cuatri e un cuart e je stade la volte dal secont bot, tra vie Liguria e vie Porzus. Une auto e un furgon si son dâts dentri e ducj e doi i vuidadôrs si son fats mâl: il citadin tunisin di 44 agns che al vuidave il furgon e il zovin di 20 agns che al vuidave la machine, puartâts ducj e doi tal ospedâl.
Sul puest la Polizie locâl pai rilêfs. (a.d.g.) – 14.10.2026
