Pianos tal tinel musicâl di Pordenon

Al à diret i Bee Gees, al à fat i rangjaments di cualchi disc di grant sucès di Lucio Battisti e Claudio Baglioni e al è stât il diretôr musicâl dal Festival di Sanremo. Vinars ai 16, il pianist inglês Geoff Westley al vierzarà “Meet & Play al Piano City Parlour”, il festival de Sierade che al puarte siet apontaments fint ai 16 di Dicembar in vie Sant Francesc a Pordenon, cjapant dentri concierts, contis e discussions cui artiscj, ducj a jentrade libare cence sore nuie. Il “Piano City Parlor” al è il tinel musicâl de citât: un spazi dulà che si pues sintî il piano di dongje, intune atmosfere informâl che e promôf la interazion jenfri musiciscj e public. Daspò dal pianist, compositôr, produtôr e diretôr che al à lavorât ancje cun Peter Gabriel, Phil Collins, Vangelis e Hans Zimmer, a rivaran a sunâ ancje Arno Barzan, Franco D’Andrea, Anaïs Drago, Rudy Fantin e cetancj altris. (A.I.) – 14.10.2026