Lis propuestis di danze contemporanie plui interessantis de Europe e dal mont a son in program pe gnove edizion dal “Visavì Dance Festival”, che si davuelzarà dai 14 ai 18 di Otubar su lis dôs bandis dal confin, a Gurize e Gnove Gurize, ma ancje a Gardiscje e a Cormons. Dodis spetacui in dut, cun cuatri primis visions nazionâls, siet events creadis in maniere specifiche pal lûc e cuatri laboratoris, ospitâts in 14 spazis diferents: teatris, salis e lûcs origjinai. Il festival al puartà dongje plui di 140 artiscj di dute Europe e fint ae Afriche. Miercus ai 14 si scomence tal Teatri “Verdi” di Gurize cul coreograf Valerio Longo, che al presentarà une lezion e daspò une curte interpretazion, prime de vision dal gnûf lavôr – une vore spietât – de compagnie Equilibrio Dinamico Dance Company|(LA)HORDE. Joibe ai 15, i events a laran indevant par dute la zornade, di buinore fint ae sere, e la stesse robe ancje i dîs dopo.
Di là dai confins de danze
15
