“Percoto Canta”: ve cui che al vinçût

Tal Teatri “Verdi” di Gurize, sabide passade a an cjantât i dodis finaliscj selezionâts di passe cent candidâts di dute la Italie, compagnâts de grande orchestre direte di Nevio Lestuzzi – la Percoto Canta Band e la sezion a arcs dai Filarmonici Friulani. Jacopo Ottonello, 27 agns di Savona e za concorint di “Amici”, al à concuistât la jurie di cualitât – cul cjantant e compositôr Niccolò Agliardi ae presidence – e vuadagnât il prin premi di 10 mil euros. Ma ancje il premi de jurie popolâr, che e votât tal teatri doprant il codiç QR e ancje la jurie dai ‘social media’ che e à votât in rêt, puartantsi a cjase si che duncje trê trofeus. Il secont puest in classifiche al è lât al grup udinês Blecs, il tierç al gurizan Gemme, intant che la jurie dai critics e à dât il premi a Numa. (A.I.) – 13.10.2026