Al è muart dentri de so cjase sdrumade dal fûc intal Cjanâl da la Aupe Nicola Beltrame, 60 agns. Origjinari di resie, al jere rivât trê agns prime inte localitât. Il fûc si è impiât vie pe gnot passade., intant che la vitime e stave durmint tal prin plan dal stali di proprietât dal fradi.
A dâ l’alarme al è stât un vicin, Marco Buzzi, sveât de puce di brusât. Cuant che al à cjalât fûr dal barcon, al à viodût lis flamis che a cjapavin dut il cuviert dal stali e al à clamât daurman il 112 par dopo cori li de cjase par cirî di dismovi l’amì.
Cuant che a son rivâts i Vigjii dal fûc cun cetantis scuadris di Tarvis, Pontebe e Glemone, il chalet al jere aromai involuçât dal fûc. Il cuarp dal puar om al è stât cjatât dilunc des operazions di distudament. Su lis causis dal fûc a indaghin i carabinîrs. Tra lis ipotesis che che a vedi lavorât mâl une stue. E je stade ordenade le autopsie dal cuarp.
Lis comunitâts di Pontebe e Resie a son in corot. (a.d.g.) – 13.10.2026
