Une lezion conciert intitulade “Poesie e Rap” e je in program sabide ai 3, aes nûf di buinore tal auditorium dal ISIS “R. D’Aronco” a Glemone. I protagoniscj de matine a cjaparin dentri il storic e scritôr Angelo Floramo, la insegnante Michela Pauluzzo Guerra e il rapper DJ Tubet. Trê lenghis e trê prospetivis diviersis si metaran dongje par esplorâ la poesie tant che forme vivarose di espression, tacant de leterature antighe fint ae poesie contemporanie, de tradizion orâl furlane al rap e ae improvisazion. La prime part de lezion e sarà vuidade di Floramo, che al puartarà i students dentri dal mont de poesie e de leterature antighe. Po dopo, Michela Pauluzzo Guerra e ufrirà un percors traviers di cualchidune des vôs plui impuartantis de poesie taliane e furlane, cuntune selezion di tescj di Cantarutti, Carminati, Cappello, Tavan, Pasolini, Zanier… A sierâ l’event al sarà DJ Tubet, che al fevelarà de relazion jenfri poesie e rap, evidenziant lis parts comuns, lis diferencis e la evoluzion des dôs lenghis. (A.I.) – 02.10.2026
Foto di V. Venier
