Un teatri pensât tant che une materie che e cambie cence polse, fate di cuarps, vôs, imagjins, spazi, timp e relazions. E je la visione de gnove stagjon di Teatro Contatto metude adun dal CSS, teatri stabil di inovazion dal F-Vj, che tal gnûf percors trienâl tacât tal 2026 de gnove direzion artistiche – Rita Maffei e Fabrizia Maggi – e sarà soredut un spazi di confront par gjenerazions diferentis. Di Setembar e fint al Mai dal 2027, la stagjon e propon 23 spetacui e 37 seradis, cun 10 produzions, altri colaborazion e progjets spartîts cun teatris talians e internazionâi di presi. De tierce etât ae cundizion e definizion contemporanie di oms e feminis, de responsabilitâts devant de storie ae inteligjence artificiâl, la stagjon si è screade cuntun event speciâl: la prime nazionâl tal Teatri gnûf “Giovanni da Udine” dai “Turcs tal Friùl” di Pasolini cu la regjie di Alessandro Serra. Dal mês di Otubar, tal teatri Palamostre a rivin une produzion cul teatri cravuat di Rijeka cun atôrs ancje furlans, “Mio figlio cammina solo un po’ lentamente”, “La diva del Bataclan” cun Claudia Marsicano e Gabriele Correddu. “Mrs Dalloway #1” cun Rita Maffei, “La Medium” di Marta Cuscunà, “Tipico maschio italiano” di Lorenzo Maragoni, “ Didone ed Enea” di Dewey Dell, il gnûf spetacul di Stefano Ricci cu la produzion dal CSS e dutis lis altris novitâts dal an che al ven. (A.I.) – 15.09.2026
Contatto, il teatri che al cambie dopo i “Turcs”
89