La lezion di Leo Zanier

da Andrea Ioime

Ultin apontament dal mês di Setembar par “Avostanis”, la rassegne che di 35 agns di fâs li dai Colonos di Vilecjaze di Listize, cu la direzion artistiche di Fidrì dai Ros, Federico Rossi. Il teme dal an “No cinise, ma fûc” – une leture de metafore di Mahler ator de necessitât di tornâ a cjatâ un rapuart cu la tradizion, me cence nostalgjie – al passe par un omaç al poete migrant Leonardo Zanier (1935-2017). “Intuna not como chesta”, joibe ai 10 propit tal dì dal complean, Valter Colle al presente une serade par rifleti in dì di vuê ator di Leo Zanier e la sô lezion simpri atuâl, che e scjavace dissiplinis, lengaçs, esperiencis. Dôs publicazions jessudis di pôc a dan une vision gnove e a mostrin une figure complesse: dôs prospetivis di leturis diferentis, chês di Paolo Barcella e Valerio Furneri (“Una vita migrante. Leonardo Zanier, sindacalista e poeta) e chê di Veronica Riccardi (“La poetica dell’educazione di Leo Zanier, Riflessioni pedagogiche su un poeta di confine), che a saran presentadis dai autôrs, cun “incursions” dal cjantautôr Gigi Maieron. L’apontament al è ancje la ocasion par screâ une schirie di iniziativis fissis e continuativis atore de di Leonardo Zanier, tacant de edizion critiche di dute la sô opare, cu la partecipazion de Universitât dal Friûl, che e sarà presentade tacant de antologjie poetiche. (A.I.) – 08.09.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui