Dai 4 al 6 di Setembar, a Tarvis al sarà ospitât il vincjesim otâf Campionât mondiâl di armoniche e armoniche diatoniche, un event internazionâl dedicât ai struments diatonics. L’event si davuelzarà tal auditorium “Kugy” te suaze di “Radici”, la rassegne dedicade aes tradizions e ae culture di Tarvis: un calendari di events leâts al patrimoni culturâl, storic e naturalist de Valcjanâl. Passe 60 concorints di diviers paîs europeans – Italie, Austrie, Slovenie, Gjermanie, Slovachie, France, Ingletiere – a saran in gare. Lis audizions a scomençaran vinars ai 4 e a laran indevant fint a sabide e domenie. Lis fasis dal concors a saran viertis al public e si sieraran cu la comunicazion de graduatorie, la assegnazion dai premis e dai titui di Campion dal mont. I titui a saran dâts domenie ai 6, su la fonde dai diviers gjenars di struments diatonics doprâts. Pe ocasion a saran dâts ancje i premis speciâi “Radici” e “Kanaltaler Kulturverein”, dedicâts ai talents zovins. (A.I.) – 03.09.2026
Armonichis in concors a Tarvis
108