Puçui, la capitâl de opare

da Andrea Ioime

Al è tacât vie pe Vierte a Puçui e al à zirât il Friûl rivant fint in Austrie, ma l’event centrâl di Operaprima-Wien al è daûr a rivâ te “citadele de opare”. La associazion culturâl direte di Tiziano Duca, che e ufrîs ancje vie pal an un program siôr che al met dongje une vore di musiche, opare, lis comunitâts locâls, lavoradôrs cualificâts, istruzion, citadinance ative e sinergjiis internazionâls, creant diviersis altris iniziativis di presi pe preparazion di une opare litiche, in gracie ancje di une rêt largje di volontariis, e à za metût adun une schirie di concierts (e no dome chei) in cheste novesime edizion. Daspò di un pâr di grandis produzions pai 125 agns de muart di Giuseppe Verdi e pal centesim cincuantesim aniversari de nassite dal compositôr Ermanno Wolf-Ferrari, al è il moment dal gnûf grant cjapitul dal “Progjet Puccini”, che al puartarà la “Madama Butterfly” sul palc di sene ai 28 e ai 30 di Avost e al Prin di Setembar, in chel grant palc che e je vile Gradenigo Sabbatini. La gnove produzion origjinâl, cun professioniscj prestigjôs e la partecipazion direte dai abitants di Puçui e di tantis associazions e organizazions – par esempli l’Enaip, l’ent di formazion professionâl che al mude la passion dai zovins intune profession – e viodarà ancjemò une volte sul palc di sene la corâl e la orchestre di Operaprima-Wien. (A.I.) – 27.08.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui