Ai Colonos di Vilecjace joibe ai 27 e je in program te suaze di “Avostanis” la proiezion dal video “Talis Mater” di Marco Rossitti, un documentari prodot dal Istitût culturâl ladin “Majon di Fascegn” de Val di Fasse, cu la colaborazion de Rai di Trent. Il video al conte une storie di leam cu la tiere che al passe di une gjenerazion a chê altris, di mont e di lidrîs fondis, cul regjist (ospit de presentazion) che al ties lis imagjinis di repertori di un documentari vieri produsût de Rai di Trent cuntune testemoneance di vuê, simpri cuntune ricercje antropologjiche atente a esplorâ i teritoris margjinâi, lis culturis alpinis, la memorie de comunitât. Intai agns Otante une troupe e jere lade sù sul lûc abitât plui adalt dal Trentin par documentâ la vite de ultime abitante di un piçul borc de Val di Fasse. Dopo cuarante agns, la fie di chê femine e torne a vivi tal stes puest, mantignint vîfs i valôrs de vite e di resistence de mari. (A.I.) – 26.08.2026
L’esempli dal Trentin tun video par Avostanis
72