Fantat sbrissât jù dal troi dongje dal lât di Rabil

da Alessandro Di Giusto

Tor des 11 e mieze di îr sere un fantat minôr di etât si è fat mâl daspò jessi sbrissât intant che al cjaminave dilunc dal troi dal lât di Rabil. La Sores , une volte vût l’alarme, e à fat intervignî la stazion di Rabil dal Socors alpin adun cul elisocors, i Vigjii dal fûc e une ambulance.

Il zovin de Republiche ceche al stave cjaminant cun so pari par fa il zîr dal lât cuant che al è sbrissat e al è rodolât tant di patî une vore di sgrifignadis e la roture suspiete di une gjambe. Su la fonde di ce che a àn dit i socoridôrs, ducj e doi i escursioniscj a stavin doprant cjalçaduris no adatis.

Il recupar nol è stât sempliç: il fantat al è stât puartât dai Vigjii dal fûc di che altre bande dal lât, indulà che i tecnics dal Socors alpin lu àn metût suntune barele. Daspò de visite fate dai sanitaris dal elisocors  il zovin al è stât puartat tal ospedâl di Udin. (a.d.g.) – 27.07.2026

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui